Поедноставно пријавување за добивање државна помош за компаниите

Владата на Република Северна Македонија на вчерашната седница ги усвои измените на Законот за финансиска поддршка на инвестициите, со кои се унапредува системот на државна поддршка на инвестициите, се зголемува опфатот на компании кои може да аплицираат и се поедноставуваат административните процедури за апликација. „Тоа значи дека за државна поддршка ќе може да аплицираат сите компании кои остваруваат пораст на приходи од вкупното работење, во дејности како што се трговија, ИТ технологии или секундарно земјоделско производство, под услов да започнат нов производствен процес. Целта на усвоените измени е да се излезе во пресрет на барањата на бизнис заедницата и да се зголеми конкурентноста.“, соопшти Владата

На седницата беше усвоена и информацијата за потребата за изработка на Стратегија за транспарентност на Владата, со цел да се зголеми довербата на граѓаните во институциите на системот преку системско унапредување на транспарентноста и отвореноста на државните институции.