Погачи со тиква, есенски деликатес за насладување

Во сезоната на тиква, да се потсетиме на придобивките од нејзино конзумирање, без оглед дали е варена, печена или искористена како намирница во некое јадење. Тиквата изобилува со антиоксиданси, бета каротен, витамини неопходни за силен имунитет, здрава кожа и добар вид. Нискокалорична е (кога не и се додаваат шеќери) што ја прави многу погодна за оние кои сакаат да ослабнат или едноставно внимаваат на својата телесна тежина. Има позитивни ефекти врз кардиоваскуларниот систем, ја подобрува концентрацијата и го чува срцето.

Наједноставен начин да ја подготвите е со печење или варење. Но, може да го пробате и следниот рецепт.

Погачи со тиква

состојки:

-три филџани брашно

-еден филџан јогурт

-едно јајце

-300 гр.пире од тиква

-прашок за пециво

-масло

-сол

подготовка:

Најпрво измешајте ги брашното и пецивото. Потоа додадете ги останатите состојки и измесете тесто. Од тестото со калап или чаша формирајте погачи. Треба да се печат во загреана рерна на 200 степени, околу 15 минути.