Погачки со готови кори и јогурт – екстра лесно, а супер вкусно

Со овој рецепт ќе успеете да ги воодушевите домашните, иако не бара многу време и лесно се подготвува. Едноставно е невозможно погачките со готови кори и јогурт, да не ви излезат добро. Одлични се за појадок, за сервирање пред гости, како и за вкусен залак за вечера.

состојки:

500 гр. готови кори

2 филџани јогурт

3 јајца

масло, сол

прстофат прашок за пециво

подготовка: Во длабок сад изматете ги добро јајцата и јогуртот и додадете сол, масло и прашокот за пециво. Корите за пита одлепете ги една од друга, потоа кинете парчиња и потопувајте ги во смесата. Потопените парчиња, редете ги соодветно во калап за мафини. Одозгора може да посипете со сусам, оригано или ќим по вкус.

Подредените погачки печете ги 15-20 минути, во рерна на 220 степени.