Поглаварот на ИВЗ со порака за Курбан Бајрам: Празникот не‘ учи да се бориме против сиромаштијата, војната, дискриминацијата

Поглаварот на Исламската верска зедница Реис ул улема ефенди Шаќир Фетаи упати порака по повод муслиманскиот празник Курбан Бајрам, што се одбележува утре.

„Во овие денови на празнувањето на Курбан Бајрам, верникот на дело ја докажува својата вера, одделувајќи се од своето богатство за да го коли својот курбан, како посветување кон Создателот, и не потсетува на подготвеноста на Ибрахим а.с. за да го жртвува својот син Исмаил, поради исполнување на ветувањето дадено на Семоќниот Аллах. Ова му дал на дознаење човештвото дека Божјата помош пристигнува тогаш кога човекот е спремен сите свои физички и духовни потенцијали за жртвување на најмилото и најскапоценото нешто во неговиот живот во служба на Создателот.

Врвно посветување кон Бога со се што имаш, претставува висока свест за менување на светот кон воздигнувањето на човекот, кој е најголемата вредност што Бог го создал во земјата. Затоа, овој празник е резултат на радоста за формирање на средина за жртвување на најскапоценото, од која произлегува љубовта кон Аллах, посветеноста на човештвото, хуманоста, моралот, мирот и достоинството. А исто време Курбан Бајрам не учи како да се бориме против сиромаштијата, скудноста, дискриминацијата, убивањето, војната, аморалот и други, кои се најлошите особини што можат да му се случат на човештвото. Сето тоа доаѓа од падот на свеста за жртвување на најскапоценото нешто за Бога и за доброто на човекот.“, се вели меѓу другото во пораката.