Појадок над облаци на волшебната ункаи тераса

“Ункаи“ (море од облаци) е прекрасна волшебна глетка која привлекувала туристи во Томамо одмаралиштето со години. Но не биле сите среќни да уживаат во спектакуларниот поглед. Облаците се формираат само рано наутро, а шансата да се формираат е околу 30 до 40%.

Сепак, тоа се променило со новиот “гондола систем“, организиран превоз кој ги пренесува туристите од одмаралиштето до ресторанот за точно 13 минути и за цена од 20 долари по човек. Кога морето од облаци ќе се формира, ресторанот се преполнува со туристи, околу 1.000 од нив. Оние најсреќните кои ќе си “фатат“ место, можат да појадуваат или да испијат едно кафе уживајќи во воодушевувачката глетка кој се формира пред нив.

Терасата, односно обсерваторијата на одмаралиштето се наоѓа на 1.088 метри надморска висина. Обично е отворен во летните месеци, а “гондолите“ ги пренесуваат туристите од раните утрински часови, односно од 4:00, па се` до 8:30 часот, кога облаците се растураат.

Оваа “волшебна тераса“ е сместена во Томаму одмаралиштето на островот Хоккаиду во Јапонија. Со години ги привлекува туристите од сите краишта на светот поради прекрасниот поглед на морето од облаци, волшебото изгрејсонце и погледот на врвовите на планините Хидака и Токачи кои продираат низ нежните облаци.