Поклонување и поминување под светата Плаштеница во храмот „Пресвета Богородица“ во Гостивар

Утрово, на Велики Петок, денот кога во христијанството се одбележува распнувањето на Исус на крстот, во соборниот храм „Успение на Пресвета Богородица“ во Гостивар беше отслужена литургија и се читаа светите Евангелија. Потоа, како што налагаат традициите и црковните правила во храмот беше изнесена Светата Плаштеница.

Плаштеницата го симболизира христовиот гроб (претставен како маса покриена со платно на кое е насликано христовото тело во гробот). Верниците се поклонуваат и потоа поминуваат под неа. Поминувањето под плаштеницата се прави со верување дека за се дојде до воскресение, најпрво мора да се помине низ Господовиот гроб, односно дека без распетие, страдање и погребение нема воскреснување. Обичајот за протнување под плаштеницата особено се почитува за малите дечиња.

Верниците кои ја посетуваат црквата палат свеќи и оставаат црвени велигденски јајца.

Во 17 часот во храмот свештениците од гостиварското архиерејско намесништво ќе отслужат вечерна богослужба, а во 18 часот ќе се изврши опело на Господ Исус Христос.