Поларен студ – трудниците и постарите да се ослободат од работа

Целата држава утрово се разбуди во температури длабоко под нулата. Како што беше најавено, Македонија ја зафати поларен студ со температури од -18 до -5 степени.

Комисијата за превенција од штетни ефекти од студени бранови при Министерството за здравство излезе со препораки: ослободување на бремените жени и лицата над 60 години од работа и реогранизација на работното време за работниците кои работат на отворено.

За сите граѓани важат препораките: да се избегнува физичка активност на отворено, а при движење да се внимава на лизгави површини и носење на топла повеќеслојна облека, соодветни обувки за снег и мраз, почеста консумација на топли напитоци. Хронично болните редовно да ја земаат терапијата.

Во случај на настинка и потешкотии на дишењето, се препорачува граѓаните веднаш да се јават кај својот матичен лекар.