Полицајците од Гостивар и Тетово победници на фудбалскиот турнир по повод 7 Мај

Фудбалската екипа на СВР Тетово е победник на годинешниот турнир по повод Седми мај, Денот на полицијата, кој започна на втори овој месец, а на кој учествуваа вкупно девет екипи.

Во финалниот натпревар што се одигра денеска (шести мај) во пресрет на полицискиот празник, екипата на СВР Тетово беше подобра од екипата на скопскиот сектор, заслужено победи со 2 спрема 1 и го освои победничкиот пехар.

Капитенот на првопласираните екипа која ја сочинуваа 17 полициски службеници, победничкиот пехар му го предаде на началникот на СВР Тетово, Амир Далипи, кој им честиташе на постигнатиот успех и им се заблагодари за освоениот трофеј.

Турнирот е во организација на Бирото за јавна безбедност при Министерството за внатрешни работи, со поддршка од првиот човек на Бирото за јавна безбедност, Сашо Тасевски и на Фудбалската федерација на Македонија.