Полицијата сѐ уште истражува кој го оставил куршумот пред влезот на Таравари

Полицијата се‘ уште работи на расчистување на случајот со пронајдениот куршум пред влезната врата од куќата на градоначалникот на Гостивар и претседател на Алијанса за Албанците, Арбен Таравари.

Од СВР Тетово информираат дека зрното е обработено од крим-техника, а течат и активности за прегледување на снимки од камери и разговори со граѓани.

„Службите на СВР Тетово преземаат интензивни мерки и активности за целосно расветлување на случајот со пронајденото зрно од автоматско оружје калибар 7,62 милиметри пред влезот од куќата на 50-годишниот гостиварец А.Т., односно – кога, кој и зошто го оставил зрното на тоа место. Пронајденото зрно е крим-технички обработено, а во тек се и други практики на полициско постапување ( се прегледуваат снимки од видео камери, се анкетираат граѓани и слично).“, вели портпаролот на СВР, Марјан Јосифоски додавајќи дека за сите нови моменти поврзани со овој случај јавноста, навреме ќе биде информирана.

Куршумот беше пронајден утрото на 5 февруари. Таравари случајот го искоментира како „испратена јасна заканувачка мафијашка порака“.