Полицијата се‘ уште трага по гостиварецот кој ја усмрти сопругата

Гостиварецот осомничен за убиство на сопругата е во бегство. Полицијата трага по него.

Според информациите од Секторот за внатрешни работи, утрово околу 6.50 минути, 33 годишниот В.И. од Гостивар пријавил дека во спалната соба од семејната куќа во населбата Бањешница ја пронашол мртва неговата мајка, 60 годишната Џ.И. За убиството, сторено со секира и нож осомничен е нејзиниот сопруг Б.И, на возраст од 67 години, кој потоа побегнал.

Како што веќе објавивме, извршен е увид на местото, издадена е наредба за обдукција врз телото на жената, а надлежните преземаат мерки и активности за расчистување на случајот и пронаоѓање на сторителот.