Полицијата со совети за пензионерите во Гостивар како да се чуваат од кражби и измами

Граѓаните од трето доба се најчестата мета на крадци и измамници, кои ги користат да дојдат до брза „заработка“. Со цел да се намали ризикот од такви појави, полицијата спроведува превентивни активности, а една таква беше реализирана денес во Гостивар.

Полициски службеници од Отсекот за превенција при СВР Тетово во просториите на Здружението на пензионери Гостивар имаа средба со претставници и членовите на здружението. На средбата било разговарано за мерките кои се преземаат за намалување на криминалитетот, а од страна на полициските службеници биле поделени и корисни совети за превенција од имотни деликти, посебно на џебни кражби.

„Исто така се говореше и за џебните кражби, за внимателност при подигнување на пензијата односно да внимаваат како и каде го чуваат нивниот паричник, да се избегнува присуство на места каде има поголеми гужви, се со цел да не бидат потенцијални жртви на разбојништво и измамници“, извести СВР Тетово.

Покрај тоа на средбата се зборувало и за постапката околу пријавување на настани и дела за брза и навремена реакција од страна на полицијата.