Гостивар
Полицијата во Гостивар и Тетово ги посети тезгаџиите и трговците: Не продавајте петарди!
Полициски службеници на СВР Тетово-Отсек за превенција вчера (18 декември) од 10 до 14 часот спроведоа конкретни превентивни активности на планот на откривање, спречување и санкционирање на нелегалното набавување и продажба на петарди и други пиротехнички средства во Гостивар и Тетово.
Како што информира полицијата, во Гостивар во овој период беа посетени повеќе импровизирани тезги за продажба на новогодишни реквизити, поставени на улиците „Браќа Ѓиновски“, „Гоце Делчев“ и „Мајор Чеде Филиповски“, како и специјализирани продавници и киосци во централното подрачје во кои се нудат најразлични вакви реквизити. При посетата, сопствениците на тезгите и продавниците поблиску беа запознати со законските импликации доколку вршат продажба на пиротехника и посебно на малолетни деца, а истите беа предупредени и за можните кривични и прекршочни санкции од продажба и активирање петарди на јавни места.
Покрај во Гостивар, вакви посети вчера се реализираа и на тетовските улици „Маршал Тито“, „Видоја Смилевски-Бато“, како и на тетовскиот Зелен пазар. И на овдешните трговци им беше советувано да се воздржат од продажба на пиротехника, зашто во спротивно ќе се соочат со соодветни поднесоци и со кривично-правни последици.
Слични активности ќе се реализираат и во наредниот период, со цел да се придонесе за справување со нелегалната продажба и активирање на пиротехника пред и за време на престојните празници, наведуваат од СВР.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар