Полицијата во „лов“ на брзи возачи-35 казни на подрачје на Гостивар

Полициски службеници на СВР Тетово вчера (10 јуни) од 14 до 20 часот спроведоа зајакната акциска контрола за брзина со која се движат возилата, а во која вкупно се изречени 134 мерки. Од нив 99 на тетовско и 35 на гостиварско подрачје.

Осумдесет и осум од мерките се однесувале на пречекорување на максимално дозволената брзина надвор од населено место. Од нив, 14 пречекорувања (Тетово-5 и Гостивар-9) биле за повеќе од 70 километри на час.

Во контролата биле откриени и санкционирани и 46 пречекорувања на пропишаната брзина во населено место, а санкционирани, исто така, биле и 8 други видови сообраќајни прекршоци.

СВР Тетово со уште еден апел до возачите да ја прилагодат брзината според условите на патот, посебно ако е врнежливо времето, но и воопшто и да ги почитуваат важечките знаци на автопатот Гостивар-Тетово-Скопје, како и на регионалните и локалните патишта и на тетовските и гостиварските улици.