Полициска акција низ угостителски објекти во гостиварско

СВР Тетово информира дека синоќа во периодот од 23.00 часот до 3.30 часот после полноќ, Полициски службеници од Полициско одделение Галате извршиле акциска контрола во угостителски објект во близина на автопатот Тетово-Гостивар, сопственост на Р.Б.(49), а со цел пронаоѓање на странски државјани кои илегално престојуваат и работат на подрачјето и на лица кои се бараат по разни основи, присуство на  малолетни лица после 24.00 часот во угостителски објекти, контрола на возила.

„При контролата биле приведени сопственикот и Ф.Б.(48), кои биле барани по распишана потерница врз основа на судска наредба за издржување на затворска казна. При контролата, исто така, биле приведени 4 странски државјанки од 33 до 49-годишна возраст од Албанија и Косово, кои непријавено престојувале на подрачјето и го злоупотребиле туристичкиот престој. Во текот на контролата, во друг угостителски објект во Неготино, полошко, биле затекнати и приведени три државјанки на Република Албанија на возраст од 31 до 33 години, кои немале регулирано престој на подрачјето. Тие се задржани во полициска станица за понатамошна постапка.“, се наведува во соопштението.