Полицијата ги подучува гостиварските средношколци на безбедно возење

Секторот за внатрешни работи Тетово започна со реализација на два нови превентивно едукативни проекти: “Не седнувај зад волан без положен возачки испит“ и „ Безбедно управување на мотор“, чиј носител е Отсекот за превенција. Целта на проектите е да се подигне сообраќајната свест и култура на младите средношолци во Полог, дотолку повеќе што бројот на таканаречените „диви“ возачи и неодговорни мотоциклисти меѓу прекршителите на ова подрачје и натаму е голем, информира портпаролот на СВР, Марјан Јосифоски.

Со проектите, кои се одвиваат паралелно, вкупно ќе бидат опфатени околу 3000 ученици од прва година, кои во седум тетовски и четири гостиварски среднни училишта следат настава на македонски, албански и турски јазик,

Полициски службеници поблиску ќе ги запознаат учениците – зошто е потребно прво да го положат возачкиот испит, па потоа да управуваат возила и каква опрема треба да користат доколку управуваат мотоцикли.

Покрај ова, учениците ќе се информираат и за законските импликации ако управуват возило без соодветна дозвола или ако некористат заштитна опрема, а се учесници во сообраќајот.

Активностите ќе завршат до крајот на овој месец.