Полицијата го расветли разбојништвото извршено на “Макпетрол” во Гостивар

Секторот за внатрешни работи Тетово-Полициска станица Гостивар, целосно го расчисти разбојништвото кое во саботата околу 4:00 часот беше извршено на бензиската пумпа “Макпетрол” во Гостивар. Приведени и осомничени дека го сториле ова разбојништво се четири лица на возраст од 20, 21 и 24 години од Гостивар и 22 годишен од Тетово. Основниот суд Гостивар, им определил мерка притвор од 48 часа. Претходно, на пет различни локации во Гостивар, пронајдени се повеќе предмети, средства и моторно возило, кои најверојатно се користеле за извршување на ова кривично дело и кои ќе се вештачат. Станува збор за моторно возило „Голф“ со тетовски регистерски таблици, црна маска ( „фантомка “ ), гумена маска, бела гумена ракавица, револвер калибар 9 милиметри, метален пендерек и друго.