Полицијата на средба со гостиварските планинари

Претставниците од Отсекот за превенција на СВР Тетово денес остварија средба со раководствата на Планинарските друштва „Бистра“ и  „Шари“ во Гостивар, со цел да ги потсетат на насоките за безбедно планинарење и за тоа, што и како треба да направат пред да ги реализираат нивните активности.

„На присутните, им беше објаснето дека е пожелно однапред да ги пријавуваат планинарските тури и точните локации каде планираат да се движат, застануваат или преноќуваат. Ова, посебно  кога турите се изведуваат во есенски или зимски услови и кога планинарите, домашни или странски, недоволно го познаваат теренот за движење. На тој начин ќе се придонесе побрзо да се лоцираат при евентуални проблематични ситуации по нивната лична и заедничка безбедност.“, информира СВР од каде додаваат дека целта на ваквите средби е да се придонесе да се намалат повремените заталкувања на поединци-планинари или љубители на разните екстремни спортови, какви што неретко се случуваа минатата и оваа година.