Полицијата за ранувањето во Долна Бањица: Зетот пукал во дедото

Министерството за внатрешни работи утрово излезе со информација за вчерашниот настан во гостиварска Долна Бањица, во кој беше рането едно лице.

Пукањето се случило околу 10 часот и 40 минути. „Пред сопствениот дом, со два куршуми од пиштол во пределот на стомакот бил застрелан А.У. (54) од страна на зетот за ќерка, Б.С. (33) од село Горно Седларце, тетовско. Тој со возило на Итна медицинска помош бил пренесен во Ургентен центар при комплексот клиники „Мајка Тереза“ Скопје. Увид на местото на настанот извршиле Јавен обвинител и екипа од СВР Тетово. Се преземаат мерки за пронаоѓање на сторителот и за целосно расчистување на случајот.“, стои во соопштението на МВР.