Полициска контрола во Гостивар: 25 возачи казнети за пребрзо возење

Во текот на вчерашниот ден сообраќајната полиција спровела акциски контроли за брзината со кои се движат возилата низ гостиварските улици, како и патиштата  надвор од населените места.

Сообраќајците констатирале вкупно 27 пречекорувања на брзината и од од 10 до 50 километри на час, повеќе од дозволеното. Десет возачи пребрзо возеле низ улиците во градот, а седумнаесет надвор од населените места. Дваесет и пет од прекршителите ќе се соочат со казни, додека двајца поминале со писмени опомени.

„Вчерашните акциски контроли се со цел навреме да се откријат и санкционираат сите оние кои не ја прилагодуваат брзината според условите на патот, дотолку повеќе што токму брзината и годинава е  најчестата причина за сообраќајните несреќи и пред се за оние со најтешки последици“, соопштуваат од Секторот за внатрешни работи.

Акција била спроведена и во Тетово каде се откриени вкупно 29 пречекорувања на дозволената брзина, од кои 21 во и осум надвор од населено место. Казнети биле 16 возачи, а останатите поминале со опомена.