Рецепти
Полнети тиквици на поинаков начин – супер рецепт за тие што постат и за вегетаријанци
Класичниот рецепт на полнети тиквици го знаеме сите: со мелено месо и ориз. Но, овој убав зеленчук може да се подготви полнет и на поинаков начин, а да биде подеднакво вкусен и примамлив. Рецептот особено добро ќе им дојде на оние кои постат и на вегетаријанците.
Состојки:
1 кг. тиквици
100 гр. пченица
200 гр. ленено семе
200 гр. печурки
една главица кромид
едно чешне лук
сол, магданос, босилек
масло
Подготовка: Тиквиците убаво се мијат, се сечат на подебели кругови и се вдлабнуваат за да се направи место за полнење. Потоа кратко се подваруваат и повторно се мијат под млаз ладна вода. Остатокот од внатрешноста на тиквиците се сецка на ситни коцки. Пченицата се вари, а лененото семе треба малку да отстои во млака вода.
Во тава на оган се пропржуваат секцаните лук и кромид, па потоа се додаваат другите состојки, сецканите тиквици, печурките, пченицата (која треба добро да се исцеди), лененото семе и сите зачини. Откако ќе се пропржи со смесата се полнат тиквиците, наредени во сад за печење. Се налева малку врела вода и се печат 15-20 минути во рерна на 180 степени.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар