Полжавчиња со маслинки и ајвар (посно)

Овие полжавчиња може да бидат идеален појадок или вечера за оние кои постат, за вегани и вегетаријанци. Рецепт  лапни-голтни!

Состојки:

500 гр. гр готови кори за пита

300 гр. сецкани маслинки

150 гр. ајвар

300 мл. кисела вода

половина коцка квасец

5 лажици брашно

1 лажиче шеќер

100 мл. масло

сол, сусам

Подготовка:

Во сад мешаме кисела вода, квасец, шеќер и брашно и се остава да надојде квасецот. Потоа се додава сол и зејтин и со таа смеса се премачкуваат корите. Се земаат две кори, се премачува горната отприлика со 3 лажици од смесата, се нанесува ајвар и маслинки, се замотуваат корите во полжавче, па се редат во плех на кој имаме ставено хартија за печење. Постапката се повторува додека има не се потрошат корите.

Остатокот од смесата се размачкува врз полжавчињата, па се посипуваат со сусам. Се печат 25-30 минути на 180 степени.