Поплави од поројот во Гостивар

Центарот за управување со кризи информира дека како резултат на поројниот дожд кој попладнево го зафати подрачјето на општина Гостивар на единствениот број за итни повици Е-112 добиени се неколку пријави за поплави и тоа:

Поплавена улица „Бањешница“, од канал за наводнување – поплавени неколку куќи во Беловиште и патот во селото – во населбата Циглана, опасност од поплавување на куќи – на улица Беличица, поплавена е куќа со помошни објекти, а на улица „Трајко Јовановски“ број 18, поплавени се подрумски простории од куќа.

Како што претходно известивме, Гостивар попладнево го зафати силно невреме со пороен дожд, грмежи и град со големина на лешник, што траеше повеќе од 40 минути.