Инцидент во Гостивар при подигнување на непрописно паркирано возило

Гостиварец бил приведен во Полициската станица Гостивар поради навреди и агресивно однесување кон полициски службеници, соопшти СВР.

Според официјалните информации настанот се случил вчера, околу 14 часот и 30 минути на булеварoт „Браќа Ѓиновски“ во Гостивар. „Полициски службеници преземале мерки за подигнување на непрописно паркиранo возилo со скопски регистерски таблици. За кусо време со возило „Цитроен“ со гостиварски таблици, на местото пристигнал 33-годишен гостиварец, кој го попречувал подигнувањето, грубо и агресивно се однесувал и ги навредувал полициските службеници, а се обидел и физички да нападне еден од нив, но бил спречен во намерата.“, стои во соопштението од полицијата од каде додаваат дека по целосното расчистување на случајот ќе следува соодветна пријава.