Вести
Поради истекување привремено се затвора нуклеарната централа „Исар два“ во Германија
Операторот на германската нуклеарна централа „Исар два“ го известил Министерството за екологија на Германија дека има истекување, кое не ја загрозува безбедноста, но може да го искомплицира енергетскиот план на Владата за оваа зима, извести Министерството.
Во соопштението се наведува дека се потребни поправки кои ќе траат седум дена, при што работата целосно ќе биде прекината, а поправката е услов нуклеарната централа да работи по 31 декември. Планирано е работата на „Исар два“, во јужната провинција Баварија, да биде прекината на крајот на годинава како дел од планот на Владата за постепено елиминирање на нуклеарната енергија.
Сепак, поради војната во Украина и прекинот на увозот на гас од Русија, дојде до промена на политиката и владата сега планира да ги задржи на готовност два од трите преостанати нуклеарни реактори и за следната година.
Од „Преусен Електра“, операторот на нуклеарната централа „Исар Два“ најавија дека реакторот може да работи до планираното исклучување, но дека е потребна седумдневна поправка во октомври доколку сака да продолжи да функционира следната година.
Германија ги утврди своите планови да се откаже од нуклеарната енергија во 2011 година. Според тие планови, три реактори беа затворени во 2021 година и уште три оваа година, а два останаа во фаза на исклучување, вклучувајќи го и Исар 2.
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник
-
Видео емисиипред 3 месеци
Емисија: НОВОГОДИШНО „НАРАЧАНО“ ИНТЕРВЈУ со Дедо Мраз | Gostivarpress.mk