Гостивар
Поради пандемијата гостиварци навалија на витамини и други имуностимуланси
Медицината докажала дека во борбата против вирусите и последиците кои ги предизвикуваат, најважен е имунитетот на организмот. Откако почна ковид пандемијата, лекарите ги советуваат граѓаните да работат на подобрување на својот одбранбен систем. Така, полесно ќе се справат со заразата, доколку дојдат во допир со неа.
Короната ги натера и гостиварци да водат поголема грижа за своето здравје и да делуваат превентивно. Во аптеките во Гостивар има зголемена побарувачка за витамини и препарати за зајакнување на имунитетот. На граѓаните им стана навика да ги купуваат, што не било случај порано.
„Претежно во овој период повеќе бараат витамини, имуностимуланси за полесно да го пребродат вирусот, ако го фатат, или на некој начин да се заштитат. Порасна свеста за превенција, што е многу добро. Јас како фармацевт би препорачал за зајакнување на имунитетот граѓаните да користат бетаглукан, цинк, селен, а секако во заштитата најважни се мерките: носење на маска, дистанца и одржување на хигиена“, вели фармацевтот Алберт Селими од Кенан Фармаси.
Освен во аптеките, по извори на зајакнување на имунитетот гостиварци често свраќаат и до зелените тезги. Продавачите велат граѓаните периодов редовно купуваат поголеми количини овошје и зеленчук, особено лимони, за кои се знае дека содржат многу витамин ц.
Регионот на Гостивар од почетокот на месецов често е меѓу првите во Македонија по дневната бројка на новозаразени со коронавирус. Причината за тоа надлежните ја лоцираа во непочитувањето на мерките и препораките за заштита.
Моментално бројот на активно болни се движи 240, од кои близу 200 се од Општина Гостивар, помал дел од Општина Врапчиште и само неколку во Маврово и Ростуше.
Вчера на подрачјето, Министерството за здравство потврди рекордни 23 новозаразени.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар