Македонија
Поразително: Ги „воспитуваат“ децата со насилство – Кампања „И родителството се учи“
Преку кампања насловена „И родителството се учи“, родителите во Македонија ќе се едуцираат и поттикнуваат да ги воспитуваат и подигнуваат децата на позитивен начин, без физичко и психичко малтератирање.
Истражувањето поддржано од УНИЦЕФ покажало дека, повеќето родители се свесни за штетните последици од насилството при воспитување на децата, но сепак го користат. „Општествените очекувања за казнување, слабата самоделотворност и немањето пристап до информации за позитивното родителство и детскиот развој се главните причини за продолжување на насилната практика. Кампањата ќе се осврне кон овој недостаток, давајќи им на родителите ресурси за позитивно родителство.“, соопштија од Министерството за здравство, кои ја спроведуваат кампањата заедно со Министерствата за труд и социјала и за образование.
Кампањата започна со емотивно видео во кое децата глумат како родителите ги дисциплинираат децата – впечатлив одраз на физичкото и психолошкото насилство што го користат 8 од 10 родители во земјата.
„Со оваа кампања сакаме сите членови на општеството да соработуваат за да им се помогне на родителите да станат свесни за потребата да научат родителски вештини кои докажано имаат позитивен ефект врз емотивниот, социјалниот и интелектуалниот развој, врз јазикот, како и врз физичкиот развој кај детето“, рече Мила Царовска, министерка за труд и социјална политика.
Секое поединечно искуство на детето влијае врз развојот на мозокот и го обликува начинот на кој тоа размислува, чувствува, се однесува и учи во текот на животот.
„Кај децата кои доживуваат негативни искуства во раното детство постои поголема веројатност да имаат сериозни здравствени проблеми како возрасни, па поддршката на родителите не е само прашање на заштита и едукација, туку е и прашање на јавното здравство“, рече Венко Филипче, министер за здравство.
Кампањата е поддржана од Европската унија и УНИЦЕФ.
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник
-
Видео емисиипред 3 месеци
Емисија: НОВОГОДИШНО „НАРАЧАНО“ ИНТЕРВЈУ со Дедо Мраз | Gostivarpress.mk