Спорт
После 30 години пост – Ливерпул е новиот шампион во Премиер лигата!
Многумина не беа родени, многумина не се ни сеќаваат, а многумина остареа од 1990-та година кога Ливерпул последен пат ја освои шампионската титула во англиската елита.
Дури 30 години траеше чекањето тимот од “Енфилд Роуд“ да се искачи на врвот во најквалитетната англиска лига. Не им успеваше на еден куп надежни таленти, фудбалски ѕвезди, врвни стратези кои го облекоа црвениот дрес. Не му успеа на еден Мајкл Овен, Роби Фаулер, Џејми Карагер. За малку им избега титулата на Луиз Суарез, Кутињо и легендарниот капитен Стивен Џерард предводени од Брендон Роџерс во 2014-та година. Не им успеа ниту мината сезона со освоени 97 бода, а сепак за 1 бод, недоволни за титула. И згора на сѐ, чекајќи го пехарот во Ливерпул, тоа им успеа на екипи како Блекбурн и Лестер.
Но и тоа се случи. Вчеравечер после поразот на Манчестер Сити во Лондон од Челзи со 2 : 1, сосема заслужено, на 7 кола пред крајот на сезоната, по 19-ти пат, Ливерпул, повторно, е шампион на Англија.
What a moment for the Liverpool squad. 🥳🙌 pic.twitter.com/aXaDtfGR0f
— Football Tweet ⚽ (@Football__Tweet) June 25, 2020
Според многумина, најзаслужен за освоената титула во премиер лигата е харизматичниот и темпераментен менаџер на Ливерпул Јирген Клоп, кој одлично ја одработи својата работа стварајќи шампионска екипа и безпрекорна атмосфера во истата освојувајќи ги Лигата на шампиони и светското клубско првенство минатата сезона, а стана и првиот Германец менаџер кој ја освоил англиската Премиер Лига.
“Немам зборови. Неверојатно е, многу повеќе одколку што мислев дека е можно. Да се стане шампион во ваков клуб е апсолутно неверојатно. Чувствувам олеснување, бидејќи после тримесечната пауза никој не знаеше како ќе продолжи сезоната. Ова е за сите наши навивачи, ова е за Кени (Далглиш) кој не поддржуваше. И тој чекаше 30 години, а ова е и за Стиви (Џерард) исто така.“ – рече Клоп.
Ливерпул, предводен од Мо Салах, фуриозно, со неверојатна форма ја завршуваат, можеби, најчудната сезоната до сега. По 31-но одиграно коло, Ливерпул има 28 победи, 2 ремиа и само 1 пораз, со импресивна гол-разлика од 70 постигнти и сами 21 примен гол.
И покрај мерките и препораките кои се на сила во Британија поради коранавирусот, голем број на навивачи ги окупираа улиците да ја прослават титулата која после 30 години повторно е во Ливерпул.
🔴🥳🏟️ pic.twitter.com/QLFguA5zXD
— Football Tweet ⚽ (@Football__Tweet) June 25, 2020
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар