Последен рок за упис во средните училишта

Полуматурантите кои не успејаа да се запишат во средно училиште во јунските пријавувања, денес, на десетина дена пред почетокот на новата учебна година, имаат можност повторно да се обидат во августовскиот уписен рок. Во конкурсот од Министерството за образование стои дека овој дополнителен рок се однесува само на  учениците кои се упатени на поправни испити или испити за побрзо напредување. Сепак, августовскиот уписи ќе важи за сите полуматуранти, со оглед на тоа што речиси во сите училишта, нема доволно ученици да се формираат паралелките.

Бројот на средношколци секоја година опаѓа и една од најголемите маки на училишните управи е привлекувањето нови ученици.

При пријавувањето, учениците поднесуваат: пријава која е бесплатна и се подигнува од училиштето во кое се конкурира, оригинални свидетелства од VI до IX одделение, извод од матичната книга на родените и доколку ученикот има освоено награди од меѓународни и државни натпревари ги доставува дипломите.

Резултатите од денешните уписи, ќе бидат објавени утре.