Повисоки септемврски плати за воспитувачките и негувателките во градинките

Министерот за финансии Драган Тевдовски најави дека платите на вработените во детските градинки ќе се зголемат, а покачувањето од 5% ќе започне да важи од септемвриската плата. „Покачувањето на платите се однесува на негувателките и воспитувачките, оние кои се директно вклучени во грижата на децата. Децата се иднината на земјата и затоа ние како Влада вложуваме во нив и за кадарот кој се грижи за нив. Од септемвриската плата исплатена во октомври, предвидено е покачување од 5%, за сите околу 4.300 вработени во градинките”, рече Тевдовски.

Според податоците од Министерството за труд и социјала од почетокот на годинава биле обезбедени финансиски согласности за вработување на над 900 лица, од кои поголемиот дел се на неопределено време.