Македонија
Поврат на 15% од ДДВ кај граѓаните: Ќе важи за фискални од јули, исплатите ќе се вршат од декември
Започнува проектот за поврат на 15% од ДДВ, најавија денес на заедничка прес конференција, премиерот Зоран Заев, министерот за финансии, Драган Тевдовски и директорката на УЈП, Сања Лукаревска. Скенирањето на фискалните сметки ќе се врши преку посебна апликација за мобилни телефони, која ќе важи за фискалните издадени од 1 јули. Според најавите, првата исплата на парите ќе се реализира во декември. Натаму, исплатата ќе се врши на секои три месеци.
„ Апликацијата „Мој ДДВ“ скенира само бар-кодови на валидни сметки, незаконските нема да ги препознае. Затоа веруваме дека граѓаните ќе станат партнери во борбата против сивата економија. Постарите ќе може да побараат да бидат регистрирани од нивните најблиски помладите роднини. Апликацијата е направена така што ќе има и извештај да може да се види колку пари ќе му бидат вратени, на пример во декември при првата исплата“, изјави Лукаревска, нагласувајќи дека апликацијата е едноставна за користење.
Министерот Тевдовски објасни дека четиричлено семејство годишно ќе може да добие најмногу 28.800 денари, а највисоката сума на скенирана фискална сметка може да изнесува 30 илјади денари. За да им бидат исплатени пари, граѓаните мора да имаат трансакциска сметка.
„ Апликацијата ќе важи за сите лица над 15 години, со валидна лична карта или пасош, кои треба да бидат регистрирани во електронскиот систем на УЈП за физички лица. Скенирањето треба да се направи најмногу во рок од 10 дена од издавањето на сметката. Годишно, четиричлено домаќинство ќе може да добие најмногу 28.800 денари. Мерката важи само за граѓани, а не за претпријатија кои работат со фактури и сметкопотврди“, изјави Тевдовски.
Премиерот Заев истакна дека оваа мерка значително ќе помогне во борбата против сивата економија.
„Кога не добиваат граѓаните фискални, има голем процент на можност, тоа ДДВ да не се уплаќа во државниот буџет. Ако прометот на мало се легализира целосно и законски со фискална сметка , тој што набавува од трговецот на големо, ќе бара да регулира со фактура за да може да го покрие тоа со фискална сметка . Трговецот пак на големо, од производителот повеќе нема да бара дел на фактура дел на црно, ќе мора се` да биде легално.“, изјави Заев, кој рече дека за делот на два проценти најбогати ќе има ограничувања .
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар