Повреден албански државјанин во тепачка во Неготино, гостиварско

Вчеравечер, околу 23 часот и 30 минути, албанскиот државјанин П.Х. во Полициското одделение Галате пријавил тепачка помеѓу 29-годишниот А.Х. и 46-годишниот Ф.П, исто така, албански државјани, а кои престојувале во куќа во Неготино-Полошко.

Во меѓусебната физичка пресметка, Ф.П. бил турнат, паднал и задобил повреди на главата, по што бил пренесен во гостиварската Општа болница „Ферид Мурад“, од каде итно е префрлен во Комплексот клиники „Мајка Тереза“ во Скопје, информира полицијата.

Извршен е увид, А.Х. приведен е и задржан во Полициската станица Гостивар за натамошна постапка и се работи на целосно расчистување на случајот.