Повреден млад гостиварец во судир на мотор и автомобил

Вчеравечер (1 мај) во 20 часот и 25 минути во СВР Тетово пријавено е дека на регионалниот пат Гостивар – Горна Бањица се случила сообраќајна несреќа помеѓу мотоцикл со гостиварски регистарски ознаки, управуван од 19 годишниот Е.М. од гостиварска Горна Бањица и патничко моторно возило „шкода фабиа“ со гостиварски регистарски ознаки, управувано од 21 годишниот Е.Б. од гостиварска Долна Бањица.

Во несреќата, мотоциклистот се здобил со тешки телесни повреди констатирани во гостиварската Општа болница „Ферид Мурад“, информира полицијата. На местото на несреќата увид извршила екипа од Одделението за внатрешни работи Гостивар.