Повредена гостиварка – ја удрил автомобил на улица

Нова сообраќајна несреќа со повреден пешак на гостиварското подрачје. Според информациите од полицијата, вчера (6 мај) околу 10 часот и 30 минути, на улицата „Мајор Чеде Филиповски“ во Гостивар, патничко возило  „Сеат ибица“ со гостиварски регистарски ознаки, управувано од 66-годишниот Џ.М. од Горна Бањица, удрило во 46-годишната гостиварка Ј.Л.(пешак).

Повредената жена била пренесена во гостиварската Општа болница „Ферид Мурад“ за укажување на лекарска помош.

Увид извршила екипа од Полициската станица Гостивар.

Во неделата, автомобил удри во татко и 5-годишно дете на патот Гостивар-Градец, при што со повреди заврши таткото.