Повредена осумнаесетгодишна девојка во сообраќајка во Гостивар

Нова сообраќајна несреќа со повреден пешак во Гостивар. Се случила вчера околу 18 часот на улицата „Живко Брајковски“. Како што информираат од Секторот за внатрешни работи во несреќата учествувале патничко возило „опел вектра“ , што го управувал 74-годишен гостиварец и три женски лица како пешаци, две на возраст од 18 години, а една седумнаесетгодишна од прилепските села Канатларци и Дебреште.

Од удирањето, една од нив се здобила со телесни повреди. По укажаната помош во гостиварската болница девојката и нејзините другарки биле пуштени дома.                       Се расветлува причината за несреќата, а материјалната штета се проценува на 20 илјади денари, соопштува полицијата.