Повредени две лица во сообраќајка кај Бунец

Утрово, околу 8 часот, во СВР Тетово пријавена е сообраќајна несреќа која се случила во близина на Бунец, влез во Националниот парк „Маврово“, во која учествувале: патничко моторно возило „фолксфаген голф 4“ со дебарски регистарски ознаки, управувано од 67-годишниот дебранин Б.Р. и товарно возило „мерцедес“ со гостиварски ознаки, што го управувал 55-годишниот гостиварец Б.С, информира полицијата.

Во несреќата, сопатничката од „голфот“ М.Р.(57) задобила тешки телесни повреди, а сопатничка В.Р.(20) завршила со телесни повреди. Двете повредени пренесени се во гостиварската Општа болница „Ферид Мурад“ за укажување на лекарска помош. На местото на нересќата увид извршила екипа од Одделението за внатрешни работи Гостивар.