Повредени гостиварци во судир на три возила

Две лица се повредени во сообраќајна несреќа која се случила вчера попладне околу 17 часот на автопатот Гостивар-Тетово.

Како што соопшти МВР, во несреќата учествувале: патничко возило „Тојота“ со гостиварски регистарски ознаки, управувано од 30 годишниот Т.И. од Гостивар, патничко возило „Мерцедес“ со германски регистарски ознаки, управувано од 21 годишниот Џ.Ј. од Чегране, и „Матиз“ со кумановски регистарски ознаки, управуван од 36 годишниот Р.А. од Куманово.

„Во незгодата со тешки телесни повреди се здобил возачот на возилото „Тојота“, додека сопатникот Т.М. од истото возило се здобил со телесни повреди. Тие со возило на итна медицинска помош биле пренесени во болницата во Гостивар каде им била укажана лекарска помош. Увид на местото на настанот извршила екипа од Полициската станица Гостивар.“, информира МВР