Повредени жители на гостиварско Чегране во сообраќајна несреќа

Две лица од гостиварско Чегране и едно од тетовско Теново, со повреди здобиени во несреќа, биле пренесени на клиниките во Скопје.

МВР соопшти дека вчера (28 февруари) во 17.25 часот било пријавено дека на излез од Радиовце-Тетово се случила сообраќајна незгода помеѓу патничко моторно возило “фолксваген поло“ со гостиварски регистарски ознаки, управувано од 30 годишниот А.М. од Чегране и патничко моторно возило “фолксваген голф“ со германски национални ознаки, управувано од 21 годишниот А.Ш. од Теново. Во незгодата со тешки телесни повреди се здобиле двајцата возачи и сопатникот Н.С. на возраст од 37 години од Чегране од возилото “поло“, по што биле пренесени во Комплексот клиники “Мајка Тереза“ во Скопје за укажување на лекарска помош.

Извршен бил увид на местото на настанот од увидна екипа од СВР-Тетово.