Повредено 19 годишно момче во сообраќајка во Гостивар

Нова сообраќајна несреќа со повредено лице е регистрирана во Гостивар. Се случила вчера на крстосницата на улиците „Браќа Ѓиновски“ и „Никола Парапунов“ . Како што известуваат од Секторот за внатрешни работи во несреќата учествувале патничко возило „поло“ со гостиварски регистерски таблици, управувано од 64-годишен гостиварец и моторцикл „Џонвеј“, исто така, со гостиварски таблици, што без возачка дозвола го управувал 19-годишно момче од Гостивар.

„Во судирот, моторциклистот задобил тешки телесни повреди и со медицинско возило пренесен е во гостиварската болница, а по укажаната помош, итно е префрлен на скопските клиники.Извршен е увид и се утврдува причината за несреќата, околностите и се друго“, соопштува полицијата.