Повторно несреќа со животно на автопатот – гостиварец удрил во куче

Регистрирана е нова сообраќајка со животно поради необезбеден автопат. Се случила вчера наутро, на автопатот Тетово-Скопје, во близина на наплатната станица Желино. Како што соопшти полицијата, патничко возило „Пежо 307“ со гостиварски регистерски таблици, управувано од 71-годишниот гостиварец Н.Х, удрило и усмртило куче, кое поради необезбеден автопат, неконтролирано се движело по коловозот.

Возачот и сопатникот во возилото Е.Х.(31) поминале без повреди, а причинетата материјална штета, според утврденото во увидот, се проценува на 10 илјади денари.