Поздрав до гостиварчани од врвот Арарат! Успешно искачување на планинарите од Гостивар

Групата планинари членови на друштвото „Шари“ од Гостивар ја исполнија својата планинарска мисија и го искачија највисокиот врв во Турција, Голем Арарат на 5.137 метри надморска висина. Убавата вест Gostivarpress.mk ексклузивно ја доби од планинарот и водич, Исмет Шурбан, еден од учесниците во експедицијата.

„Сите го посетивме врвот Арарат на ден 30.08.2022 година. по локално време во 6 часот и 30 минути. Испраќаме поздрав до сите гостиварчани. Во моментов се вративме во цивилизација, експедицијата продолжува. Сите се здравствено добри. Поминавме три ноќи на висински камп од 3.400 метри надморска висина, и една ноќ на висинки камп од 4.100 метри надоморска висина. Целата екипа беше супер.“, сподели со нас Шурбан.

Заедно со него во групата од Гостивар се планинарите Ајфер и Керамедин Зендели и Џевад Нухи.

Како што информиравме тие на пат кон Турција тргнаа на 25 август, по претходни тримесечни кондициони подготовки.