Пожар проголта над 7 милиони литри виски Jim Beam

Над седум милиони литри виски од американскиот бренд Jim Beam изгореа во пожар, кој избувнал во складиште на компанијата во округот Вудфорд, во Кентаки. Светските медиуми јавуваат дека пожарот бил пријавен во вторникот наутро, а пожарникарите се бореле со пламените јазици до среда навечер.

Складиштето било со големина на фудбалско игралиште, а таму се чувале 45 илјади барели (над 7 милиони литри) со познатото виски. Првична проценка е дека компанијата претрпела загуба од 300 милиони американски долари. Сепак, производителите тврдат дека, пожарот нема да влијае врз достапност на вискито на пазарот.