Пожар во поранешната фабрика „Македонија Табак“ во Тетово

Голем пожар изби изутрината во поранешниот индустриски објект „Македонија Табак“ во Тетово.

„Денеска во 09.30 часот во СВР Тетово пријавено е дека настанал пожар во магацин за складирање на производи на тетовска фабрика, лоциран помеѓу улиците „Маршал Тито“ и „Борис Кидрич“ во Тетово. Според првичната пријава нема повредени лица, а екипи на Територијалната противпожарна единица Тетово преземаат мерки за гаснење на пожарот. Служби на СВР Тетово веќе се испратени на местото на пожарот и ги преземаат сите неопходни мерки“ известуваат од СВР Тетово

СВР Тетово апелира до граѓаните да се воздржат од непотребно излегување, поминување или задржување на местото на пожарот.

Во околните населби е исклучена струјата како мерка на претпазливост.