Пожари на „Илинденска“, во Питарница и Градец

Во текот на вчерашниот ден на поширокото гостиварско подрачје регистрирани биле три пожари на отворено кои биле изгаснати со интервенција на противпожарната единица.

Како што информираше полицијата, околу 14.10 часот во ОВР Гостивар било пријавено дека на улица „Илинденска“ во Гостивар настанал пожар, на сува трева, кој зафатил и извадени дрвени прагови од железничка пруга. Нема повредени лица, а пожарот бил изгаснат од гостиварската Територијална противпожарна единица.

Според информациите од Центарот за управување со кризи на пожари се интервенирало и во населбата Питарница и во селото Градец.