Пожарите во Сибир не стивнуваат –Според Гринпис изгореле 4,3 милиони хектари шума

Продолжуваат да беснеат огновите во Сибирскиот предел, Краснојарск. Руската агенција Тас јавува дека во текот на ноќта, вторник кон среда, пожарите се прошириле на нови  880.000 хектари шума. Моментално активни се 111 пожари, повеќето во контролната зона која опфаќа тешко достапни области.
Шумата гори во окрузите Евенкијски, Турухански, Кежемски, Јенисејски и Бирлуски. Нема закана за населените места. Во гаснење на огновите се ангажирани скоро 3.800 луѓе и 492 единици опрема, хелихоптери и авиони.

Вонредната состојба сè уште е на сила и пристапот до шумите е ограничен. Според министерство за шумарство, пожарите избувнале поради природни причини – топло време, недостаток на врнежи од дожд, засилен ветер и грмежи.
Според Гринпис пожарите опфатиле 4,3 милиони хектари површина и испуштаат јаглерод диоксид во воздухот колку 36 милиони автомобили во текот на една година.