Гостивар
Пожарникарите од Гостивар учеа основци на евакуација при земјотрес, пожар…

Учениците од основното училиште „Гоце Делчев“ во Гостивар денес имаа прилика практично да научат што треба да преземат и како да се однесуваат при појава на елементарна непогода. Училиштето го посети екипа од гостиварската Противпожарна единица, при што пожарникарите најпрво им дадоа совети на децата за евакуација при земјотрес и пожар, а потоа беше изведена и показна вежба.
„Денеска правиме вежба на евакуација на деца од училиште, при не дај боже, земјотрес, поплава или пожар во објектот. Она што е најважно, што го кажуваме е да се обидат да останат присебни, без кревање паника и да соработуваат со наставниците за поуспешно и побрзо да го напуштат загрозениот простор“, рече пожарникарот Ерѓил Исеини.
Ваквите вежби се спроведуваат со цел помладата популација да биде едуцирана и подготвена за евентуални вонредни состојби, со што се намалуваат ризиците за повреди и посериозни последици.
„Вежбата е во насока на едукативно и превентивно делување во случај на елементарни непогоди кога треба да се врши евакуација, да се знаат кои се неопходните чекори за заштита“, рече комадирот на Противпожарната единица во Гостивар, Јусуф Бајрами.
Активноста се реализираше во склоп на проект за заштита на ранливи категории лица при елементарни непогоди на УНДП, во соработка со општината и Дирекцијата за заштита и спасување.
-
Гостиварпред 4 недели
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Невработените со можност за бесплатни обуки и полагање за возачки дозволи за камион и автобус
-
Гостиварпред 3 месеци
ПАТЕПИС: Во прегратките на Кораб – Светилиштата како вечност
-
Вестипред 3 месеци
УЈП со важно известување за корисниците на МојДДВ
-
Вестипред 3 месеци
Преку „е-услуги“ вадење имотен лист за неколку секунди
-
Македонијапред 3 месеци
Комплетна листа на неработни денови во 2025-та година
-
Што, како, каде?!пред 1 месец
„Пица & Бургер БЕЈБИ“ – Ново уникатно место за добра храна и забава во Гостивар
-
Рецептипред 3 месеци
Крем супа од тиква и морков – топло, вкусно и хранливо