Познатата стилистка едукатор Јелиз Каја во Гостивар

Сопственичката на Yeliz Caya Education од Холандија, која има турско потекло деновиве ќе престојува во Гостивар, за да го пренесе своето знаење и вештини во стилизирање на фризури. Јелиз ќе одржи дводневен интензивен курс за најновите техники и трендови на стајлинг во Академијата Теса, а денес беше гостинка во кабинетот на градоначалникот Арбен Таравари.

„Чест ни е што ја имаме за гостинка Јелиз Каја која важи за бренд кога е во прашање козметичкото школување. За Академијата Теса во Гостивар, може да кажам дека прераснува во гостиварски бренд и им посакувам да имаат успеси и понатаму. Како општина Гостивар сметавме дека е добро да оствариме една средба и да се информираме за нивната работа и активности.“, рече Таравари.

Каја, која во општината беше во придружба на Сафија Селими, генерален менаџер и Среќко Ѓорѓиески, едукатор во Теса, изрази задоволство од престојот и ангажманот во Гостивар.