Гостиарски
Познати гостиварци: Ферид Мурад – Нобеловец
Д-р Ферид Мурад, лекар, светски признат фармацевт, добитник на Нобелова награда е роден 1936 г. во Вајтинг, Индијана од татко Џабир Мурад Ејупи, родум од с. Лакавица, Гостивар, иселеник во САД и мајка Хенриета Џозефина Боумен, Американка.
Како млад имал ограничени финансиски средства, затоа паралелно со студиите работел и друго за да може да помага на семејството. Ги бирал училиштата каде имало можности за добивање стипендии. Волонтирал, стажирал со напорни дежурства и работел на лабораториски истражувања, кои биле негова најголема страст. Со оглед на извонредните академски постигнувања, имал можности да добива стипендии.
Медицински факултет завршил во Кливленд, Охајо, а на истиот универзитет ја добил и докторската титула во 1965 година. За целиот свој работен век бил извонредно активен, секогаш жеден за нови информации од областа на медицината, а пред се од областа на клиничката фармакологија. Долги години работел како универзитетски професор, автор е на бројни научни медицински трудови.
Во 1998 година заедно со уште двајца научници Роберт Фечгот и Луис Игнаро ја добил Нобеловата награда за физиологија и медицина за „откривањето на улогата на азотен оксид како сигнален молекул во регулирањето на кардиоваскуларниот систем.“ Покажал дека нитроглицеринот и сличните лекови дејствуваат како вазодилататори во формирањето на телото на азотен оксид НО, кои делуваат како сигнални молекули и имаат релаксирачки ефект врз крвните садови. Нитричкиот оксид ги проширува крвните садови и дејствува врз мозокот, срцето и другите органи. Тој се користи и кај предвремено родените бебиња, кај кои нивото на кислородот во крвта е помало.
Мурад во неколку наврати бил во посета на Македонија и гостиварскиот регион од кадешто се корените на неговото семејно стебло. По него е именувана Општата болница во Гостивар – Ферид Мурад.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар