Познати паровите за четвртфиналето во Лигата на шампионите

Во седиштето на УЕФА во Нион попладнево се одржа ждрепката за паровите во четвртфиналната фаза во најсилното фудбалско натпреварување во Европа, Лигата на шампионите.

Ждребот донесе исклучително возбудливи четвртфинални дуели, а ги спои Манчестер Сити и Баерн Минхен, Реал Мадрид и Челзи, Интер и Бенфика, како и Милан и Наполи.

Во полуфиналето победникот од мечот Реал Мадрид – Челзи ќе игра против победникот од дуелот Манчестер Сити – Баерн Минхен.

Другото полуфинале ќе го сочинуваат победникот од дуелот Милан – Наполи со победникот од дуелот Интер – Бефика.

Првите четвртфинални натпревари во Лигата на шампиони се на програмата на 11 и 12 април, а реваншите на 18 и 19 април.