Познатиот турски актер Мустафа Мерт Коч го посети Гостивар

Еден од најпознатите турски актери од поновата генерација Мустафа Мерт Коч пред неколку дена беше во посета на Гостивар. Славниот актер го посети Гостивар во рамки на својот повеќедневен престој во Македонија.

Мустафа се прошета и го разгледа Гостивар, се запозна со културата, храната и знаменитостите на  градот. На Меѓународниот универзитет Визион во Гостивар, кадешто е вонреден студент по правни науки, срдечно беше пречекан од студентите и од претставниците на овој универзитет.

„Долги години сме пријатели со Мерт, кога ни јави дека доаѓа во посета на Македонија инсистиравме да го доведеме и да го посети Гостивар, беше воодушевен од гостопримството и убавата храна во градот. Најмногу беше изненаден од реакциите на граѓаните, не очекуваше дека неговата популарност е толку голема, дека луѓето ќе го запираат и ќе сакаат да се сликаат со него по улиците низ Гостивар“, вели гостиварецот Дениз Сагир, кој беше домаќин на актерот.

Мустафа Мерт Коч е 22-годишен турски актер и во моментов е еден најпопуларните лица на тв екраните во Турција. Има снимено неколку телевизиски проекти меѓу кои најпознати се “Колпачино 3. Девре”  и  “Кетенпер”, се појавува и во во неколку епизоди на “Хајат Бастен Татлидар”. Мустафа уште го нарекуваат и Инстаграм феномен. На својот Инстаграм профил има повеќе од 1 милион следбеници.