Пралине – сите ги сакаат овие слатки мали задоволства

Едно од најомилените слатки задоволства потекнува од Белгија. Жан Нојхаус јуниор го дизајнирал и го направил првото полнето чоколадо во 1912 година и го нарекол пралине. Тие се добиваат од карамелизирани лешници или бадеми, понекогаш и како комбинација, нормално прелиени со чоколада. Терминот пралине денес се користи и за сите рачно изработени чоколадни бонбони.

За нивно филување се користи крем од овошје или чоколадо, чисто овошје, а многу често и алкохолен пијалок, најмногу рум и ликер од цреша. Ганаш кремот е најпопуларен. Се прави од слатка павлака и чоколадо. Нугат крем, пак го добиваме од лешници и чоколада. Љубителите на чоколада го истакнуваат и карамел кремот како еден од нивните омилени. Се добива со прегорување шеќер, на кој се додаваат путер и слатка павлака. Едни од најскапите или најлуксузните пралине чоколади се оние со марципан. Марципанот се прави со мелени бадеми и шеќер, може да се комбинира и со други ароми. Вистинскиот марципан содржи многу бадеми (скоро 90%) и затоа е скап.

За пакување на пралине чоколадите се користат специјални кутии. За сето тоа да изгледа убаво во нив има посебно место за секоја пралине чоколада, за да не се допираат или оштетат едни со други. Тие се идеален подарок за сите оние специјални пригоди или ако некому сакаме да му измамиме насмевка на лицето. Со пралине чоколадо скоро и да не може да згрешиме, затоа што сите ги сакаме. Сè што треба да направите е да изберете омилен вкус и уживајте.